एसएमजी म्युजिक प्रा.लि. र सफल सफल फिल्म्सको संयुक्त प्रयासमा आज मिति २०७४ जेठ १९ गतेबाट संस्कृतिको संरक्षण र लोक गायन प्रतिभा भएका नब प्रतिभाहरुलाई लक्षित गरि गायन प्रतियोगिता आयोजना गरिएको हो । "नेपाली कला र सस्कृतीको संरक्षण, लोमन्मुख गीत संगीतको उजागर र नयाँ प्रतिभाको खोजी अभियान" प्रतियोगीताकोे नारा रहेको छ । कला, गला भएर पनि पछाडी परेका प्रतिभाहरुलाई बाहिर ल्याउने प्रतियोगिताको मुख्य उदेश्य रहेको छ ।
सहभागीताको निम्ति जेठ १५ गते फारम भर्न सकिने र फाराम शुल्क तीन सय लाग्ने नियम लागू गरिएको थियो । शुक्लागण्डकी क्षेत्रका लागि ढोरबाराही एफएममा फाराम भर्न सकिने तथा अन्यका लागि रेडियो लेकसिटी, व्यास एफएम र डिजिटल रेकडिङ स्टुडियोबाट समेत फाराम भर्न सकिने व्यवस्था थियो । प्रतियोगिताको मिडिया पार्टनरमा ढोरबाराही एफएम, रेडियो लेकसिटी, थ्रि एन्जलस् सामुदायिक रेडियो, व्यास एफएम एवं आर्दश राष्ट्रिय दैनिक र अनलाइन पार्टनरको रुपमा सेतोपाना डट कम रहेको छ ।
आज पोखराको पोखरा लेखनाथ महानगरपालिकास्थित तालचोकमा अडिसन भएको छ । अडिसनमा प्रतियोगिहरुले एकल गीतद्धारा अडिसन दिनुपर्ने नियम रहेको छ ।
प्रतियोगिताको विजेताले नगद रु. तीस हजार, उपविजेताले नगद रु. बीस हजार, तृतियले नगद रु. दश हजार र सान्त्वनाले नगद रु. पाँच हजारका साथमा प्रमाण पत्र र मायाको चिनो प्राप्त गर्ने छन् । प्रतियोगीतामा कुनै भोटिङ सिस्टम लागु र पूर्वाग्रह नहुने व्यहोरा सर्वसम्मत गरिन्छ ।
COMMENTS